Menu principale:
A Licuddia
(di Maria Falcone Albo)
Italia bedda tu si la ma Patria (Olè)
Sicilia d'oru tu si la ma terra,
conca di suli, gioia di lu munnu
tuttu lu cori miu a vui si serra!
Sicilia, o terra mia,
nun si può stari luntan'i tia!
Si propriu 'a calamita
di la ma vita!
Sapiti 'u ma piasi è Licuddia,
ricca di aria fina e di culuri!
E' duci e sempri bedd'in tutti l'uri
o ccu lu lustru a luna o ccu lu suli!
Ch'amuri chi simpatia,
è stu paisi stu Licuddia
è nicu ma a tutti piaci
ppi la gran paci.
C'è nu casteddu anticu o ma piasi,
ca si riorda principi e marchisi
ora ci pasci l'erba a picuredda
mentri fa la quasetta a fimminedda.
Di ddà si vidi 'u mari,
tanti paisi e Mungibeddu,
ddà supra respiri e godi
e veni 'u cori!!!
Si vai o' Vischiteddu o a Scilisutta
unnedderè c'è virdi e puisia,
ricca di pani è la campagna tutta
o Licuddiuzza mia, o Licuddia!
Sensibili e amurusi
su i licuddiani, granni e carusi,
proteggili Madonna mia,
ccu Licuddia!!!
Si nica ma pulita, o cara terra,
ccu onuri hai combattutu in ogni guerra,
ppi mia, ti lu dicu chiaru e tunnu,
tu si la capitali 'i tuttu u munnu!
A 'merica o in Australia
nno Canadà o all'Argentina
stu cori sempri è ccu tia
o Licuddia!!!
Maria Falcone Albo (1905 -
Significativa in questo senso è la popolarità, tra i licodiani di tutte le età, della sua canzone "A Licuddia", che a distanza di più di mezzo secolo dalla stesura, continua ad essere l'incontrastata canzone licodiana per eccellenza.
In sottofondo "A Licuddia" di Maria Falcone Albo -